កម្លាំងប៉ុស្តិ៍នគរបាលរដ្ឋបាលលាយបូរ សហការជាមួយនឹងកម្លាំងជំនាញ នៃអធិការដ្ឋាននគរបាលស្រុកត្រាំកក់ ឃាត់ខ្លួនជនសង្ស័យប្រុស ស្រី ២ នាក់ពាក់ព័ន្ធនឹងករណីគ្រឿងញៀន..!

កម្លាំងប៉ុស្តិ៍នគរបាលរដ្ឋបាលលាយបូរ សហការជាមួយនឹងកម្លាំងជំនាញ នៃអធិការដ្ឋាននគរបាលស្រុកត្រាំកក់ ឃាត់ខ្លួនជនសង្ស័យប្រុស ស្រី ២ នាក់ពាក់ព័ន្ធនឹងករណីគ្រឿងញៀន..!

 #ស្រុកត្រាំកក់ : កាលពីថ្ងៃទី១៦ ខែតុលា ឆ្នាំ២០២៥ វេលាម៉ោង ២០ និង ០០ នាទី ដោយមានបទបញ្ជារយ៉ាងម៉ើងម៉ាត់របស់លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ កម្លាំងប៉ុស្តិ៍នគរបាលរដ្ឋបាលលាយបូរ និងកម្លាំងជំនាញអធិការដ្ឋាននគរបាលស្រុកត្រាំកក់ ដឹកនាំដោយលោក វរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានចេញល្បាតតាមគោលដៅសំខាន់ៗ លុះមកដល់ចំនុចផ្លូវលំក្រួសស 

ស្ថិតក្នុងភូមិអំពិល ឃុំលាយបូរ ដោយមានការសង្ស័យ សមត្ថកិច្ក៏បាន ឃាត់ខ្លួនជនសង្ស័យ០២នាក់: 

  ០១. ឈ្មោះ តូច ភក្រ្តា ភេទស្រី អាយុ ២១ឆ្នាំ មានទីលំនៅភូមិប្រហ៊ូត សង្កាត់រកាក្រៅ ក្រុងដូនកែវ (ជួញដូរ-ប្រើប្រាស់)

  ០២. ឈ្មោះ ឌន នីរ៉ូត ភេទប្រុស អាយុ ២២ឆ្នាំ មានទីលំនៅភូមិអង្គតាកុប ឃុំលាយបូរ ស្រុកត្រាំកក់ (ប្រើប្រាស់)

  វត្ថុតាងបានដកហូតបានរួមមានមាន៖

 -ម្សៅក្រាមពណ៌សថ្លាសង្ស័យជាសារធាតុញៀនចំនួន ០៣កញ្ចប់

-ទូរស័ព្ទចំនួន ០២គ្រឿង

-ម៉ូតូ ០១គ្រឿង

ដោយមានការសម្របសម្រួលពី លោក ស៊ឹម ជុំសុខហេង ព្រះរាជអាជ្ញារងអមសាលាដំបូងខេត្តតាកែវ សមត្ថកិច្ចក៏បានធ្វើការឃាត់ខ្លួន ជនសង្ស័យ រួមនឹងវត្ថតាងដើម្បីកសាងសំណុំរឿងតាមនីតិវិធី។