លោកឧត្តមសេនីយ៍ទោ ហេង វុទ្ធី បានមានប្រសាសន៍ថា "នគរបាលយើង ត្រូវបន្តការលើកកម្ពស់កិត្តិយស កិត្យានុភាព ឧត្តមភាពរបស់អង្គភាព និងកងកម្លាំងនគរបាលជាតិ និងបង្កើនសមត្ថភាព គុណភាព និងមនសិការក្នុងការបំពេញតួនាទីភារកិច្ចរបស់ខ្លួន"

លោកឧត្តមសេនីយ៍ទោ ហេង វុទ្ធី បានមានប្រសាសន៍ថា "នគរបាលយើង ត្រូវបន្តការលើកកម្ពស់កិត្តិយស កិត្យានុភាព ឧត្តមភាពរបស់អង្គភាព និងកងកម្លាំងនគរបាលជាតិ និងបង្កើនសមត្ថភាព គុណភាព និងមនសិការក្នុងការបំពេញតួនាទីភារកិច្ចរបស់ខ្លួន"

នៅព្រឹកថ្ងៃចន្ទ ទី២១ ខែកក្កដា ឆ្នាំ២០២៥នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានដឹកនាំកិច្ចប្រជុំបូកសរុបសភាពការណ៍ លទ្ធផលកិច្ចប្រតិបត្តិការរក្សាសន្តិសុខសង្គមការងារនគរបាលសហគមន៍ ប្រចាំខែកក្កដា និងឆមាសទី១ ព្រមទាំងផ្សព្វផ្សាយបទបញ្ជា និងសេចក្ដីណែនាំ ដែលមានរបៀបវារៈដូចខាងក្រោម÷

១-លើកយកការដកពិសោធន៍ លើការអនុវត្តការងារជំនាញ និងដាក់ចេញនូវ យន្ដការបន្ដជំរុញបង្កើនប្រសិទ្ធភាពក្នុងការបំពេញតួនាទី ភារកិច្ច

២-ផ្សព្វផ្សាយសេចក្ដីណែនាំរបស់រាជរដ្ឋាភិបាល លេខ ០១សណន ស្ដីពីនិយាមប្រតិបត្តិក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា

៣-ផ្សព្វផ្សាយបទបញ្ជារបស់រាជរដ្ឋាភិបាល លេខ ០១ បប ស្ដីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា

៤-ផ្សព្វផ្សាយសេចក្ដីណែនាំរបស់អគ្គស្នងការដ្ឋាននគរបាលជាតិ លេខ ០០៥សណន ស្ដីពីការលើកកម្ពស់ប្រសិទ្ធភាពក្នុងការបំពេញតួនាទី ដឹកនាំបញ្ជារបស់យន្ដការ រចនាសម្ព័ន្ធ និងយន្ដការចំពោះកិច្ច ចំណុះអគ្គស្នងការដ្ឋាននគរបាលជាតិ

៥-ផ្សព្វផ្សាយសេចក្ដីណែនាំរបស់អគ្គស្នងការដ្ឋាននគរបាលជាតិ លេខ ០០៤ សណន ស្ដីពីវិធានការគ្រប់គ្រង បង្ការ ទប់ស្កាត់ និងបង្ក្រាប បទល្មើសអាវុធ គ្រឿងផ្ទុះ និងគ្រាប់រំសេវ 

៦-បន្ដវិធានការ បង្ការ បង្ក្រាបបទល្មើសគ្រប់រូបភាពដូចជា បទល្មើសព្រហ្មទណ្ឌ បទល្មើសគ្រឿងញៀន បទល្មើសជួញដូរ និងក្មេងទំនើង 

៧-អនុវត្តតាមបញ្ជា និងត្រូវចាត់វិធានការក្ដៅ អនុវត្តការចុះធ្វើរដ្ឋបាលចំហរ ត្រួតពិនិត្យស្រាវជ្រាវបទល្មើសប្រឆាំងការឆបោកតាមប្រព័ន្ធបច្ចេកវិទ្យា Online Scams បង្ក្រាបគ្មានការលើកលែង

៨-បន្ដជំរុញ ការយកចិត្តទុកដាក់ខ្ពស់លើការផ្ដល់សេវាធារណៈឱ្យបានល្អប្រសើរ និងឆាប់រហ័សបំផុតជូនប្រជាពលរដ្ឋក្នុងមូលដ្ឋាន ។

ជាមួយគ្នានេះ លោកឧត្តមសេនីយ៍ទោ ហេង វុទ្ធី ក៏បានប្រគល់ជូនលិខិតសរសើររបស់អគ្គស្នងការដ្ឋាននគរបាលជាតិ ដល់លោកនាយប៉ុស្តិ៍នគរបាលរដ្ឋបាល ចំនួន៣០រូប ដែលមានស្នាដៃឆ្នើមក្នុងការខិតខំប្រឹងប្រែងអនុវត្តតួនាទីភារកិច្ចស្នូលយ៉ាងខ្ជាប់ខ្ជួន ធ្វើឱ្យឃុំ/សង្កាត់គ្មានបទល្មើស និងរក្សាបាននូវ សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ព្រមទាំងផ្ដល់សេវារដ្ឋបាលចាំបាច់នានាជូនប្រជាពលរដ្ឋ ប្រកបដោយវិជ្ជាជីវៈ និងតម្លាភាព ។

ដោយកិច្ចប្រជុំនេះមានការអញ្ជើញចូលរួមពី លោក-លោកស្រី ស្នងការរង អនុប្រធានផែន នាយការិយាល័យជំនាញ អធិការ-អធិការរង ក្រុង/ស្រុក និងនាយប៉ុស្តិ៍នគរបាលរដ្ឋបាលឃុំ/សង្កាត់ ទាំង១០៩ ៕