លោក សូ សំសុីនីត អាជីវករក្រុងភ្នំពេញ បានឧបត្ថម្ភ ទឹកសុទ្ធចំនួន១០០កេស មី ចំនួន៥០កេសនិងថវិកាចំនួន២លានរៀល ដល់ស្នងការរដ្ឋាននគរបាលខេត្តបន្ទាយមានជ័យ

==========

បន្ទាយមានជ័យ: នៅព្រឹកថ្ងៃព្រហស្បតិ៍ ១កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែមិថុនា ឆ្នាំ២០២៥នេះ លោក សូ សំសុីនីត អាជីវករក្រុងភ្នំពេញ បាននាំយក ទឹកសុទ្ធចំនួន១០០កេស មី ចំនួន៥០កេសនិងថវិកាចំនួន២លានរៀល (ពីរលានរៀល) មកឧបត្ថម្ភដល់ស្នងការរដ្ឋាននគរបាលខេត្តបន្ទាយមានជ័យ ។

ថ្លែងក្នុងឱកាសនោះ លោកឧត្តមសេនីយ៍ត្រី នូ ជីវ័ន្ត ស្នងការរងផែនការងារនគរបាលព្រហ្មទណ្ឌតំណាងឱ្យ លោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ បានថ្លែងអំណរគុណយ៉ាងជ្រាលជ្រៅ ដល់ លោក សូ សំសុីនីត និងក្រុមគ្រួសារ ដែលបានឧបត្ថម្ភគ្រឿងឧបភោគបរិភោគ ដល់ស្នងការដ្ឋាននគរបាលខេត្តបន្ទាយមានជ័យ សម្រាប់បរិភោគ និងប្រើប្រាស់ក្នុងកិច្ចការងារផ្សេងៗ ជាពិសេសការងារក្នុងសង្គម ។

លោកឧត្តមសេនីយ៍ត្រី នូ ជីវ័ន្ត បានជូនពរដល់ លោក សូ សំសុីនីត និងក្រុមគ្រួសាររកទទួលទានមានបាន និងជួបតែសេចក្ដីសុខ គ្រប់ប្រការ សុខភាពមាំមួន និងជួបប្រទ:តែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕