លោក ហេង វុទ្ធី ប្រធានក្រុមការងារគណបក្សចុះជួយមូលដ្ឋានឃុំអារក្សត្នោត និងឃុំទួលសំបួរ ស្រុកស្ទឹងត្រង់ បានដឹកនាំកិច្ចប្រជុំបូកសរុបលទ្ធផលការងារ ប្រចាំខែសីហា ឆ្នាំ២០២៥ និងលើកទិសដៅបន្ដ នៃឃុំទាំង២

នៅថ្ងៃសៅរ៍ ទី៣០ ខែសីហា ឆ្នាំ២០២៥នេះ លោក ហេង វុទ្ធី ប្រធានក្រុមការងារគណបក្សចុះជួយមូលដ្ឋានឃុំអារក្សត្នោត និងឃុំទួលសំបួរ ស្រុកស្ទឹងត្រង់ បានដឹកនាំកិច្ចប្រជុំបូកសរុបលទ្ធផលការងារ ប្រចាំខែសីហា ឆ្នាំ២០២៥ និងលើកទិសដៅបន្ដ នៃឃុំទាំង២ ។

ក្នុងកិច្ចប្រជុំនេះ បានលើកយកបទពិសោធន៍ បញ្ហាប្រឈម វិធានការដោះស្រាយ និងដាក់ចេញនូវទិសដៅបន្ដមួយចំនួន ដូចខាងក្រោម ៖

១. វឌ្ឍនភាព នៃការកសាងអាគារស្នាក់ការគណបក្ស ទាំង២ឃុំ

២.ត្រូវបន្ដគ្រប់គ្រងទិន្នន័យ និងការធ្វើបច្ចុប្បន្នភាព ទាំងសមាជិកថ្មី និងសមាជិកចាស់

៣.ត្រូវបន្ដខិតខំការចិញ្ចឹមចលនាជីវភាពក្នុងមូលដ្ឋាន

៤.ត្រូវបន្ដការបម្រើសេវាសាធារណ:ជូនបងប្អូនប្រជាពលរដ្ឋក្នុងមូលដ្ឋាន គឺជាកត្តាអាទិភាពបំផុត

៥.ក្រុមការងារទាំងអស់ ត្រូវបន្ដសាមគ្គីជាកំលាំងចលនា ក្នុងការដោះស្រាយ ការសំណូម ការលំបាករបស់បងប្អូនប្រជាពលរដ្ឋ ឱ្យបានល្អប្រសើរ

៦.បន្តចុះសាកសួរសុខទុក្ខ បងប្អូនប្រជាពលរដ្ឋដែលមានជីវិតក្រលំបាក និងមានជំងឺប្រចាំកាយ ដល់ខ្នងផ្ទះ ។

ជាមួយគ្នានេះដែរ លោក ហេង វុទ្ធីក៏បានឧបត្ថម្ភថវិកាមួយចំនួនដល់ ក្រុមការងារគណបក្សថ្នាក់មូលដ្ឋាន និងសកម្មជនគណបក្ស ទាំង២ឃុំ ផងដែរ។

 កិច្ចប្រជុំនេះ ក៏មានអញ្ជើញចូលរួមពី លោក-លោកស្រី ប្រធានក្រុមការងារចុះជួយតាមភូមិ, ក្រុមការងារចល័ត, លោកប្រធានគណបក្សមូលដ្ឋានឃុំ, លោក-លោកស្រី សមាជិកអចិន្ត្រៃយ៍ គណបក្សឃុំ និងលោកប្រធាន អនុប្រធានសាខាគណបក្សភូមិ ៕